‘Nou jĭ tơdrong vă jang kăl hloh đei kmăi kmŏk mơmat, lăp đei mĭnh ƀar teh đak đei; găh kon jên tơmơ̆t jang lơ păng 'măng mă blŭng đei tơmơ̆t jên jang ming man tơ̆ teh đak bơ̆n kơna kăl đei trong, trong tơgŭm djru kăl vă atŏk kơtang kĕ iung jang tĕnh koăng. Kơ yuơ lơ loh Khul kơdră Teh đak pơtruh ăn Kuô̆k hô̆i ăn asong tơlĕch jang rim tơdrong jang găh pơma đam rim tơdrong pơkăp, drơ̆ng mĭnh nơ̆r hăm păh jang hơdoi atŭm hăm pơm rim hla bơar păng kĭ tơchơ̆t hơmet ming trong jang tơmơ̆t jên jang, kĭ tơchơ̆t tơdrong vă jang tơmơ̆t jên jang. Găh tơdrong kon jên jang păng hơmet ăn kon jên tơmơ̆t jang tơdrong vă jang kiơ̆ trong: Pơma đam tŏk iŏk kon jên Khul kơdră teh đak hăm rim păh jang hơdoi; ăn asong tơngla tơmơ̆t jên jang tŏk iŏk dơ̆ng ưh kơ chiu pŭ đei tơdrong lơ̆m tŏk iŏk; iŏk yua kon jên jang pơkom kon jên bơ̆ jang teh đak păng rim kon jên jang trŏ lăp anai.