Anih pơtho pơhrăm chih hơdăh hơnăn sơnăm hŏk ‘nao 2024 - 2025 ‘nŏh jĭ "Đon tơnăp, hơnơ̆ng tơplih ‘nao, hơtŏk tơdrong ‘lơ̆ng" hăm lơ tơdrong jang gĭt kăl. Vă tơlĕch jang dôm tơdrong jang lơ̆m sơnăm hok 2024-2025 tơtom, đei yoa tơ̆ yăn âu, Anih tơm vei lăng pơtho pơhrăm athei Anih vei lăng kon pơlei dôm dêh char, plt găh Trung ương hơtŏk tơdrong dăr lăng, athei đei tôm anih, tơmam vă pơtho pơhrăm adrol kơ sơnăm hŏk ‘nao truh.

Hơdai hăm ‘nŏh, đei trong jang mă tơtom vă hơmet ming khul thây kô oei tam mă lăp tơ̆ tơring kiơ̆ hơnăp gơ̆h jang đơ̆ng kơdih. Pơjing, tơlĕch jang trong tơgŭm ăn đe hŏk tro găh unh hnam tơnuh, vă jê̆ tơnuh, hŏk trong kăl đei tơgŭm, hŏk tro đei tơdrong arih xa pơmat tat, ưh pŭn ai, hŏk tro tơ̆ tơring hơtăih yăih, mơmat tat, hŏk tro tơ̆ tơring kon kông, đei tôm hla ar hŏk, tơmam hŏk pơhrăm păng dôm tơmam yoa kăl nai; ưh ăn đei hŏk tro yoa arih xa pơmat tat mă ưh đei năm hŏk.