25 sơnăm âu ki, Tơdrong jang Druh dăm năm jang pơyan he đei sơnăm mơlôh Kon Tum tơplih ‘nao kiơ̆ sơnăm, jô̆ hloi găh tơdrong jang păng trong pơgơ̆r. Mă hơtuch bơ̆ jang đei 875 tơdrong jang kơ đe druh dăm, akŏm đĭ đăng đei kơjă 10 ti hlak jên; tơgŭm pơm hơmet ming 700km trong tơ̆ tơring; man păng pơm hơmet hlŏh 80 tŏ hnam ăn kon pơlei pơmat tat; năm ngôi, hơpăh hlŏh 20.000 tơpu tơmam ăn unh hnam, bơngai đei kŏng.

Ƀlep ƀât ‘măng mă âu, 12 ‘nu bơngai jang rơgei lơ̆m Tơdrong jang druh dăm năm jang tơgŭm pơyan he kơ dêh char Kon Tum chơt hơiă iŏk đei Mê đai “Yoa jơhnơr mơlôh” đơ̆ng Trung ương Đoàn; Anih vei lăng kon pơlei dêh char Kon Tum hơpăh Ƀăng khen ăn 7 khul grŭp păng dôm bơngai jang rơgei; Anih jang đoan dêh char Kon Tum hơpăh ăn apŭng sơlam Sa Thầy păng Ngọc Hồi 2 tơdrong jang druh dăm “Tơ̆k hơdăh trong pơlei” hăm kơsô̆ jên truh 225 triu.