Tenh kuăng hơmet tơdrong răm kơyuơ đơ̆ng 'mi kial phŭt huơ̆t tơ̆ Cư M’gar
Thứ bảy, 08:00, 08/04/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Lơ̆m tơring teh kơ xăh Ea M’nang, apŭng Cư M’gar, dêh char Đăk Lăk ăh năr 6/4 đei 'mi tih atŭm hăm kial phŭt huơ̆r, grơ̆m kơmlat pơm hnam oei kơ kon pơlei tơpăr bơbŭng, păk tơgơ̆ jrăng unh, trong tơlei unh hơyuh noh kơtĕch, pơm hiong unh hơyuh lơ̆m tơring.
Kial phŭt huơ̆r bơbŭng hnam dui hloi trong tơlei unh hơyuh 472 Cư M’gar; atŭm hăm noh, grơ̆m kơmlat pơm kơtĕch 3 trong tơlei nai, pơm jê̆ 1.400 unh hnam kon pơlei ưhd dei unh hơyuh yua. Hơmet tơdrong răm đơ̆ng 'mi kial âu, 'năr 'nâu, rim khul jang tơ̆ tơring atŭm hăm kon pơlei tŏk bŏk oei tơgŭm ăn dôm unh hnam hơmet bơbŭng hnam.
Găh anih jang unh hơyuh, kơtă lơ̆m kơsơ̆ năr 6/4, Anih jang unh hơyuh Đăk Lăk hlôi tenh kuăng akŏm khul jang, tơmam drăm vă hơmet tơdrong răm. Truh ăh 8 jơ kơmăng atŭm năr, unh hơyuh Cư M’gar hlôi đei hơmet sơđơ̆ng păng asong unh hơyuh yua ăn kon pơlei.
Viết bình luận