Ƀô̆ trương, Kơdră Anih jang kơ Khul kơpal teh đak Trần Văn Sơn ăn tơbăt, ‘mi kial kơsô̆ 3 jing ‘mi kial hli hlơt hloh lơ̆m 30 sơnăm kơ âu tơ̆ Biển Đông păng 70 sơnăm tơhlu truh tơring teh kơ teh đak bơ̆n. Hăm đon bơnôh "tơgŭm dih băl", "hla ‘lơ̆ng bơ̆ng hla hyach", tôm kang ƀô̆, bơngai jang tơ̆ Anih jang kơ Khul kơpal teh đak tơgŭm tŏ sĕt jat noh jên jang lơ̆m 1 năr jang vă pơtruh ăn kon pơlei ƀơm ‘mi kial pơrăm.

Hăm đon bơnôh tơgŭm kon pơlei tơ̆ dôm tơring ƀơm răm, Thủ tướng teh đak bơ̆n Phạm Minh Chính, kơdră Anih jang kơ Khul kơpal teh đak păng tôm bơngai jang tơ̆ Anih jang kơ Khul kơpal teh đak vang jang păng kơtă tơgŭm kon pơlei.