Thủ tướng pơma hơdăh, Đảng, Tĕh đak tôch tơrĕk truh jơhngâm pran kơ kon pơlei, đơ̆ng rŏng ƀôh ưh kơmăh pơgang hlôi đei nơ̆r pơtho sek tơlang tơtom; pơlung bơngai jĭ sơđơ̆ng jơhngâm hơmet klăih tơdrong jĭ.

Hăm dôm nơ̆r pơma găh anih oei, tep pơdơ̆h ăn unh hnam bơ ngai jĭ, Thủ tướng akhan, tĕh đak oei hăt bơ̆ jang tưk tơiung; tơmam, anih pơvih tơ̆ dôm Hnam pơgang tam mă pơm lăp hăm tơdrong ‘mĕh vă, athei hơmet pơ’lơ̆ng dar dĕh, mă loi ‘nŏh tơ̆ Hnam pơgang Hơmet jĭ ăn Hơiŏh Trung ương, tam đei tôm tơdrong kăl vă plĕh bơngai jĭ hăm bơngai lơ̆m hnam; athei hnam pơgang păng bơngai lơ̆m unh hnam đe sư jang hơdoi, pơjing tơdrong ‘lơ̆ng hlŏh vă vei lăng, khăm hơmet bơngai jĭ, vă huei đei tơdrong tơhlăk, ưh kơ iă kiơ.