Kơsơ̆ (09/09) tơ̆ Anih jang kơ Trung ương Đảng, Grŭp jang kơsô̆ 2 kơ Anih tơm Chinh trĭ bơ̆ jang hăm bơngai tang măt ăn dôm Khul kơdră chĕp kơ̆l Đảng dêh char Tây Ninh, Tuyên Quang vă tơgop nơ̆r ăn dôm Hla ar kăl păng trong rơih hơmet bơngai jang tơ̆ dêh char tơroi ăn Hop akŏm bơngai tang măt Đảng ƀô̆ dêh char jăl jang 2025 - 2030. Grŭp jang kơsô̆ 2 yoa Thủ tướng Phạm Minh Chính chĕp kơ̆l pơgơ̆r jơ jang bơ̆ jang.

Nơ̆r pơma đơ̆ng dôm Kơdră jang lơ̆m Anih tơm Chinh trĭ, Ban Bí thư lăp hăm dôm hla ar kăl đơ̆ng Anih chĕp kơ̆l đảng dêh char Tây Ninh, Tuyên Quang chih, atŭm hăm ‘nŏh athei pơm hơdăh dôm tơdrong jang đei ‘lơ̆ng, dôm tơdrong tam mă ‘lơ̆ng păng dôm tơdrong pran tơ̆ rim tơring, chih tơlĕch dơ̆ng trong vă jang đunh đai lơ̆m chăl ‘nao, chih hơdăh hăm rim tơring. Hơdrô hăm dêh char Tây Ninh ƀok Phạm Minh Chính athei Đảng ƀô̆ dêh char hơtŏk tơdrong tơiung pơjing Đảng, anih jang chinh trĭ rơgŏh ‘lơ̆ng, pran kơtang, atŏk tơiung tơdrong juăt kơtang nuih mơng; jang tŏk pran găh mŭk drăm, tơpôl; vei kơjăp ‘lơ̆ng tơdrong sơđơ̆ng teh đak; kŭm hăm lơ̆m teh đak yak mât lơ̆m chăl ‘nao – chăl jang tŏk đơ̆ng hơdrĕch hơdrung.