Tang măt ăn Khul kơdră tĕh đak, Thủ tướng Phạm Minh Chính pôk pơ ư tơdrong adrin păng dôm tơdrong jang đei đơ̆ng Đảng ƀô̆, khul kơdră pơgơ̆r, khul linh păng kon pơ lei dêh char Điện Biên khei ‘năr âu ki, vang tơgop ăn tơdrong jơnei atŭm kơ tĕh đak. Tơ̆ hơnăp kơnh, Thủ tướng athei, dêh jang hlôh vao kơjăp, tơ lĕch jang đei yoa ‘lơ̆ng tơdrong Tơchơ̆t đơ̆ng Hop akŏm mă XIII kơ Đảng, Tơdrong tơchơ̆t đơ̆ng Anih tơm Chinh trĭ păng Tơdrong tơchơ̆t đơ̆ng Hop akŏm Đảng ƀô̆ dêh char ‘măng mă XIV.

Jang tŏk mŭk drăm tơpôl hrĕnh păng kơjăp kiơ̆ trong atŏk tơiung dôm tơdrong pran ‘lơ̆ng, jơhngâm đon tơnăp, adrin jang tŏk đơ̆ng kơdih. Akŏm jơhngâm pơjing, pơm hơtŏk tơdrong đei yoa đơ̆ng tơring jang mŭk drăm tơm kơ dêh char; hơmet ming mă lăp trong jang đơ̆ng dôm anih jang muk drăm, pơ ‘nhŏ ăn tơdrong jang tŏk choh jang xa, pơtăm ‘long, chă tơmang lăng, hnam kơmăy unh điên, tơmam lơ̆m tĕh, jang kơmăy pơm tơlĕch tơmam păng jang mŭk drăm tơ̆ ‘măng jang sơlam. Vei kơjăp păng tưk tơiung dôm kơjă kăp gĭt đơ̆ng jŏh ayŏ kơdŏ xoang so, ‘lơ̆ng hơiă đơ̆ng dôm hơdrĕch hơdrung păng kon bơngai Điện Biên. Vei kơjăp tơdrong sơđơ̆ng tĕh đak.