Kiơ̆ kơ Anih tơm jang tơbôl,16 ‘nu Kơdră tang măt, Kơdră Anih jang tang măt Việt Nam tơ̆ teh đak đe ‘nao đei pôk hơtŏk ‘măng âu iŏk jang tơ̆ 48 teh đak tơ̆ vă đĭ đăng dôm châu lục. Tơ̆ jơ bơ̆jang, Thủ tướng Phạm Minh Chính pơma hơdăh, dôm sơnăm âu, anih jang Tơbôl ưh kơ đei pơdơh tih pran, tơgop gĭt kăl lơ̆m kơplăh pơjing teh đak, lơ̆m noh đei tơgop đơ̆ng dôm Anih jang tang măt Việt Nam tơ̆ teh đak đe.

Thủ tướng akhan, hơnăp jang đơ̆ng dôm Anih jang tang măt Việt Nam tơ̆ teh đak đe roi ‘năr roi trăp trĭn. Yua thoi noh, dôm Kơdră tang măt, Kơdră Anih jang tnag măt Việt Nam tơ̆ teh đak đe athei hơdrin păng jang hrĕnh bơ̆jang kiơ̆ trong jang tơbôl đơ̆ng Đảng, teh đak, Rim kơdră anih jang tang măt kăl kơ băt hơdăh jang tơbôl mŭk drăm pơ yua ăn hơtŏk tơiung, tơgop lơ̆m pơ jing mŭk drăm hiôk hian, pơm tơm kơ dih păng kơchăng, hơdrin mơ̆t jang hơdai mŭk drăm apŭng plĕnh teh jrŭ să, tôm tơdrong păng đei yua ‘noh jĭ 1 tơdrong tơgŭm hơdrol lơ̆m jăl jang năm bơ̆jang đơ̆ng kơ dih.