Kiơ̆ tơroi đơ̆ng dêh char Yên Bái, jơ̆p dêh char đei 2.700 anih teh hơlih tơ̆ dôm apŭng, thĭ xah, pơlei tơm; lơ̆m noh gah pơlei tơm Yên Bái đei jê̆ 1 rơbâu hơnih.

Năm hơlen tơdrong hơmet ‘mi kial đak hơbông pơrăm păng năm hơpong hơlêm kon pơlei, khul kŏng ang, khul linh, đe hơdruh tơdăm, Thủ tướng Phạm Minh Chính ƀrơ̆k kơ jơhngơ̆m pơtruh nơ̆r hơlêm hăm kon pơlei păng khul jang kơpal, Thủ tướng hơpơi ‘meh kon pơlei dah hrôih hơmet răm păng găn hloh rim tơdrong tơnap tap âu dah hrôih sơđơ̆ng tơdrong hơrih, rim khul jang kơpal tơgŭm kon pơlei, atŭm hăm kon pơlei hơmet răm kơyuơ ‘mi kial đak hơbông pơm đei.