Tơdrong ming man đei pơtơm đơ̆ng hơtuch sơnăm 2024 kiơ̆ tơchơ̆t kăl hăt hot, tơplih lê̆ gơng so kơyuơ 'mi kial Yagi ah khei 9/2024 pơrăm. Gơng đei kơsô̆ jên asong ming man hloh 635 tih hlj mă lei keh đang hăm hloh 438 tih hlj, mong đei pơhlom 196 tih hlj păng tơjur khei năr ming man lơ̆m 3 khei pơtêng hăm tơchơ̆t jang. Binh đoàn 12 – Anih tơm Ming man Trường Sơn iŏk ming man.

Pơma ah lêh et hơtŏk, Thủ tướng Phạm Minh Chính bơnê kơ tơdrong tơlĕch man Gơng Phong Châu tơƀôh hơdah tơchơ̆t trŏ ƀlep ah pơjao ăn dôm anih jang tơm, păng tơring jang hơdoi, tơgŭm pơm kơđeh khei năr ming man pơtêng hăm pơkăp pơm gơng hmă truh 10 sơnăm, atŭm hăm noh vei sơđơ̆ng kơjăp 'lơ̆ng. Kơsô̆ jên mong đei gô asong man 2 tơdrong kăl ăn 2 pah gơng, tơgop hơmet tơdrong răm đơ̆ng 'mi kial pơm đei, sơđơ̆ng tơdrong hơrih păng hơtŏk mŭk drăm – tơpôl lơ̆m tơring.