Hăm tơdrong juăt jue nuih mơng, hăm jơhngơ̆m pran păng trong jang 'lơ̆ng kơ minh anih jang tơroi tơbăt dơnơm lơ̆m 80 sơnăm tơ-iung pơjing păng vơ̆ pran, Thủ tướng Phạm Minh Chính akhan Rađiô nơ̆r pơma VN kăl pơtoi hơdrin, tơplih 'nao gah đon tơchĕng, păng trong pơm jang, pơjing tơdrong hơtŏk đei jơnei rim tơdrong jang vei răk tơƀăk mong juăt jue, pơtoi jang chih akŏm tơdrong nuih mơng mă yă ƀok mih ma yak hơdrol hlôi pơm jang hăm pơkăp ƀăo chĭ kăch mạng "jơhngơ̆m pran lơ̆m 'long chih, jơmŭl unh lơ̆m plei nuih", tơgop lơ hloh dơ̆ng ăn tơdrong tơ-iung pơjing păng hơtŏk păng vei lăng teh đak.

Thủ tướng pơgơ̆r hăm Rađiô nơ̆r pơma VN pơtoi tơplih 'nao đon tơchĕng, trong pơm jang, hơtŏk tơdrong 'lơ̆ng, jang đei jơnei tơnăp hloh dơ̆ng sơnong jang tơroi tơbăt hăm pơkăp 30 chư chih "Tơdrong tơm, ƀôh tơpă, tơtom – Kơdih jang, hơbĕch, gơh hơgei – Yak hơdoi, dăp đon, sơnong kơdih – Um ai kơdih, khua hŏk, hơgei 'nao – Khŏm jang đei, tơtom, đei jơnei". Ƀơ̆t 'măng ou, Thủ tướng pôk ăn Rađiô nơ̆r pơma Việt Nam 16 chư: "Đon tơchĕng – Ƀôh tơpă – Tôm tong - Tơtom – Um ai kơdih – Kơmăi kơsô̆ - Gơh hơgei – Jang Jơnei".