Thủ tướng tơƀôh đon sơ ‘ngon hăm dôm tơdrong hiong răm mă Khul kơdră tơring păng kon pơlei lơ̆m dêh char Quảng Ninh hlôi pŭ đơ̆ng ‘mi kial kơsô̆ 3 pơm tơlĕch. Thủ tướng hơpơi ‘mĕh dêh char jăh hơmet pơ ‘lơ̆ng hiong răm đơ̆ng ‘mi kial păng jăh vei lăng sơđơ̆ng ‘lơ̆ng tơdrong arih xa ăn kon pơlei.

Tơ̆ hop akŏm pơgê hơdai lơ̆m năr, Thủ tướng pơtho tơƀôh tơ̆ hơnăp dang ei tơgŭm dang 100 ti hlak jên ăn 1 tơring đei Quảng Ninh, Hải Phòng vă hơmet pơ ‘lơ̆ng hiong răm đơ̆ng ‘mi kial. Găh trong jang, Thủ tướng athei dêh char Quảng Ninh păng plt Hải Phòng akŏm đĭ đăng rim anih jang chinh trĭ vă hơmet pơ ‘lơ̆ng hiong răm đơ̆ng ‘mi kial, đei hloi khul linh, Mặt trận Tổ quốc, dôm khul jang chinh trĭ - tơpôl, mă loi jĭ bơ̆ jang kĕh tơdrong jang tôch tih mưh hơmet rơgŏh cham char. Thủ tướng athei Anih tơm vei lăng khul linh teh đak krao akŏm khul linh tơ̆ đĭ đăng dêh char, plt, tơring tơrang vang bơ̆ jang dôm tơdrong mă kơdih bơ̆ jang.