‘Măng năm hop akŏm mă âu đơ̆ng Thủ tướng Phạm Minh Chính tơƀôh hơdăh nơ̆r tơbăt kơ 1 tĕh đak Việt Nam tôch kơchăng, vang jang tơnăp ‘lơ̆ng, vang tơgop tôch ai kŭm hăm dôm tĕh đak jang hơdoi vei kơjăp păng hơmet pơ ‘lơ̆ng hơnăp jang tơm, tưk tơiung nơ̆r pơma đơ̆ng ASEAN hăm tơdrong rơngei, sơđơ̆ng păng jang tŏk tơ̆ tơring păng lơ̆m apŭng plenh tĕh; vang tơgop hơmet kơjăp tơdrong mât 1 ƀơ̆r đon lơ̆m ASEAN, tơjră đei yoa ‘lơ̆ng hăm rim tơdrong nol.

Kŭm hăm ‘nŏh vei kơjăp đon tơchĕng, trong bơ̆ jang đơ̆ng ASEAN găh rim tơdrong lơm apŭng plenh tĕh, tơ̆ tơring păng tơ̆ đak dơsĭ Biển Đông. Atŭm hăm ‘nŏh tơƀôh hơdăh tơdrong jang hơdoi vă pơ ‘nhŏ hơdrol hlŏh đơ̆ng Việt Nam ‘noh jĭ pơjing dôm anih jang gĭt kăl, jang tơplih hăm kơmăy sô̆, jang xa rơgŏh ‘lơ̆ng, vei lăng sơđơ̆ng phe ƀa tơmam xa, unh hơyuh, jang tŏk lơ̆m tơring păng tơjră hăm tŏ ‘mi kial tơplih.