Thủ tướng Phạm Minh Chính hao thŏng nan kơmăy năm truh tơ̆ tơring kon pơlei đei đak lơ̆p, pơlung kon pơlei dôm xăh Tam Đa păng xăh Vạn An, apŭng Yên Phong dêh char Bắc Ninh, păng xăh Tiên Sơn, xăh Vân Hà, thĭ xăh Việt Yên dêh char Bắc Giang, atŭm hăm ‘nŏh athei khul kơdră pơgơ̆r 2 dêh char chông kon pơlei tŏk oei tơ̆ tơring sơđơ̆ng ‘lơ̆ng, ưh gơ̆h lê̆ kon pơlei pơngot, ưh đei hơbăn ao hrŭk.

Đơ̆ng rŏng kơ ‘nŏh Thủ tướng năm truh tơ̆ Anih jang kơ Anih vei lăng kon pơlei thĭ xăh Việt Yên, dêh char Bắc Giang păng pơgơ̆r hôp trư̆k tuyê̆n hăm dôm dêh char pŭ răm đơ̆ng ‘mi kial đei: Bắc Ninh, Bắc Giang, Lào Cai, Hoà Bình, Sơn La, Lai Châu, Điện Biên, Hà Giang, Cao Bằng, Bắc Kạn, Yên Bái, Tuyên Quang, Phú Thọ, Thái Nguyên, Lạng Sơn. Thủ tướng Phạm Minh Chính pơtruh nơ̆r sơ ‘ngon hăm dôm unh hnam đei bơngai răm yoa đơ̆ng ‘mi tih đak lip păng teh hơlih, atŭm hăm ‘nŏh athei dôm tơring bơ̆ jang ‘lơ̆ng tơdrong tơgŭm ăn kon pơlei.