Hop akŏm đei pơgơ̆r kơtă tơ̆ Anih jang kơ Đe Kơdră teh đak păng trư̆k twê̆n hăm 63 dêh char, pơlei tơm mă Trung ương vei lăng. Pơma ăh hop akŏm, Thủ tướng Phạm Minh Chính ră hơdăh, âu jing Hop akŏm kăp gĭt păng đei pơgơ̆r  đơ̆ng hrôih hăm lơ tơdrong hơpơi đei găh dôm tơdrong hơmet pơ-'lơ̆ng, hơtŏk pran hăm tơmang pơhiơ̆ păng kiơ̆ đơ̆ng noh, tơgop kăp gĭt lơ̆m hơtŏk tơdrong jang kơtă đei tơrĕk, adoi nhen hơtŏk mŭk drăm tơpôl kơ teh đak pơma atŭm. Thủ tướng tơƀôh hơdăh, xơnăm 2023 păng khei năr truh, dôm tơdrong pơgăn găh mơ̆t lĕch hăm teh đak đe kơyuơ COVID-19 gô đei xut lê̆. Tơdrong pơm âu gô pơjing trong hiôk, mă lei adoi đei lơ tơnap tap, tơgar đơ̆ng bơ̆n păng dôm tơring jang tơmang pơhiơ̆ nai.