Kơsơ̆ (11/9), Khŭl kơdră chĕp kơ̆l teh đak hăm tơdrong pơgơ̆r đơ̆ng Thủ tướng Phạm Minh Chính hlôi hop akŏm găh tơdrong jang pơjing khôi luơ̆t lơ̆m noh pơma dơnuh păng ăn tơgop nơ̆r găh Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Chứng khoán, Luơ̆t Kế toán, Luơ̆t Jô̆ hơlen jên kơdih, Luơ̆t Jên jang teh đak, Luơ̆t vei lăng, iŏk yua mŭk drăm teh đak, Luơ̆t Vei lăng thuê̆, Luơ̆t mong răk. Tơ̆ hơnăp tơdrong ‘mi tih pơm ƀơm kơ nê̆ kơtang pơm ăn lôch păng hiong dong vă jê̆ 300 ‘nu, 780 ‘nu rơka, lơ mŭk drăm, ƀa ƀo pro hơmrĕ, kon tơrong đei hư răm, phă hŭt, pơma pơih blŭng hop akŏm găh pơjing khôi luơ̆t, Thủ tướng Phạm Minh Chính gơih nơ̆r apĭnh jet gia vang sơ ‘ngon đơ̆ng Tổng Bí thư, Kơdră teh đak Tô Lâm păng Thủ tướng kŭm gơih nơ̆r vang sơ ‘ngon truh dôm ŭnh hnam đei bơngai răm yua đơ̆ng đak tih păng teh hơlih, hơdai hăm athei rim tơring jang ‘lơ̆ng trong jang tơgŭm kon pơlei tơtom đei yua.

Thủ tướng teh đak krao hơvơn kon pơlei, khŭl jang, anih mơdro sa, anih jang, tơring ưh kơ đei hiong răm tơgŭm kon pơlei, anih jang, anih mơdro sa, tơring đei hiong răm, ƀơm kơ nê̆; kiơ̆ lơ̆m jơhngơ̆m đon “đei tŏ sĕt tơgŭm tŏ sĕt”, “hla ‘lơ̆ng bơ̆ng hla hiăh, hla hiăh bơ̆ng hla hiăh hloh dơ̆ng vă yak hloh ƀơ̆t mơmat tat ‘nâu.