Tơ̆ hop akŏm, Thủ tướng Phạm Minh Chính ăn tơbăt, lơ̆m jăl jang 2021 - 2026, Jơnŭm pơgơ̆r teh đak axong 400 rơbâu tih hlj ăn ming pơ-'lơ̆ng trong nơnăm. 'Nâu jing tơdrong jang tih tên. Dôm tơdrong pơkăp ming man đei axong jâ̆p jă đơ̆ng tơring Pơbăh truh găh Tu, hăm dôm tơdrong ming man trong nơnăm Tu – Pơbăh, Hlĕch – Pơmơ̆t păng tơroh 6 tơring jang mŭk drăm – tơpôl. Kơyuơ noh, Jơnŭm pơgơ̆r  jang athei hơlen hơnơ̆ng, pơgơ̆r jang tơnăp vă keh đang xơnong jang đei tơlĕch. Thủ tướng ăn tơbăt, dang ei Jơnŭm pơgơ̆r teh đak hlôi axong jên; đei dôm trong pơkăp jang kơjăp vă pơklaih tơnap tap, tơhlăk tơhlĭn; tơdrong hơtŏk ming man đơ̆ng chă pơgơ̆r iŏk jang, Thủ tướng pơkăl rim bơngai jang lơ̆m Jơnŭm pơgơ̆r jang, rim anih jang, rim tơring athei kơchăng tơnăp hăm xơnong jang mă Đảng, Jơnŭm pơgơ̆r teh đak, kon pơlei pơjao, yuk trong hơlâu, kơchăng hơbĕch lơ̆m pơgơ̆r jang; tơjră hăm tơdrong xa pơjĭp... lơ̆m iŏk ming man tơdrong kăp gĭt kơ teh đak, tơdrong tơm kơ Anih jang găh trong nơnăm.