Thủ tướng Phạm Minh Chính pơjao sơnong jang ăn 3 Phŏ Thủ tướng păng 2 Ƀô̆ trương
Thứ tư, 15:28, 28/08/2024
Lan chih tơblơ̆
Lan chih tơblơ̆
VOV4.Bahnar – Đơ̆ng rŏng kơ ƀok Tổng Bí thư, Kơdră teh đak bơ̆n Tô Lâm pơjao hla bar pơkăp đơ̆ng Kơdră pôk kơchư̆k jang ‘nao hăm 3 Phŏ Thủ tướng păng 2 Ƀô̆ trương, ah kơsơ̆ năr 26/8, Thủ tướng Phạm Minh Chính hlôi pơgơ̆r tơjrơ̆m, thơ thâu hơ-iă, pơjao sơnong jang.
Thủ tướng Phạm Minh Chính pơtruh nơ̆r sô̆ hơ-iă hăm ƀok Nguyễn Hòa Bình,ƀok Hồ Đức Phớc, ƀok Bùi Thanh Sơn đei pôk jang Phŏ Thủ tướng teh đak; ƀok Đỗ Đức Duy đei pôk jang Ƀô̆ trương Anih tơm jang gah Mŭk drăm păng Cham char plenh teh, ƀok Nguyễn Hải Ninh đei pôk jang Ƀô̆ trương Anih tơm Tư phap.
‘Nâu jing tơdrong kăp gĭt tih tên păng adoi jing sơnong jang trăp trĭn mă Đảng, Teh đak lui ngeh pơjao jang. Thủ tướng hơpơi ‘meh, rim đŏng chĭ ‘nao đei pôk jang athei chĕp vei tơdrong pran, tơdrong hơgei lơ̆m pơm jang, "minh đon atŭm pŭ tơnap tap" atŭm hăm Jơnŭm pơgơ̆r teh đak iŏk yua tơnăp hloh dơ̆ng tơdrong tơguăt tơguăl, drơ̆ng minh, hlăng hơgei, tơplih ‘nao keh đang dôm sơnong jang đei pơjao; dăp đon dăp bơnôh pơm jang ăn teh đak, ăn kon pơlei.
Viết bình luận