Tơ̆ lêh roi tơbăt hơdăh, Thủ tướng Phạm Minh Chính hlôi pơjao tơdrong tơchơ̆t păng hơpăh pơkao hmach chơt hơiă ăn Kơdră tơm vei lăng Trong nơnăm gre kơdâu păng Kơdră tơm vei lăng Jên hu. Pơma tơ̆ lêh roi tơbăt hơdăh, Thủ tướng Phạm Minh Chính hmach chơt hơiă păng pơjao hơnăp jang hơdăh ăn kơ 2 Kơdră tơm đei klăih song hơnăp jang ‘nao, Thủ tướng ‘meh vă 2 kơdră tơm vang pơmat gleh hrat hăm Khŭl kơdră teh đak, yak hloh mơmat tat long nol, mĭnh ƀơ̆r đon, hlôi pơma dơnuh ‘noh athei hlôh vao, hlôi năm ‘noh truh, jang tơdrong jang hơyơ ‘noh đang tơdrong ‘noh, đĭ đăng lăng găh 1 trong, hlôi drơ̆ng nơ̆r bơih ‘noh athei jang yua kơ kon pơlei răp gô, teh đak răp gô, hơdrĕch hơdrŭng hơmĕng.

Tơ̆ hơnăp Thủ tướng păng dôm bơngai jang lơ̆m Khŭl kơdră teh đak, Kơdră tơm vei lăng găh Trong nơnăm gre kơdâu păng Kơdră tơm vei lăng Jên hu hlôi pơkăp hăm Thủ tướng Phạm Minh Chính gô hơdrin jang đang ‘lơ̆ng hơnăp jang đei pơjao, tơ găl hăm tơdrong hơmĕng đơ̆ng kơdră chĕp kơ̆l Đảng, Teh đak, Khŭl kơdră teh đak, Thủ tướng teh đak.