Thủ tướng tơchĕng ‘lơ̆ng tơdrong jang hơdoi đơ̆ng Việt Nam – Sơn Đông khei ‘năr âu ki, mă loi tơdrong pơvei đơ̆ng khul kơdră pơgơ̆r tơring, tơdrong tơmât jên jang xa, tĕch mơdro hăm lơ tơdrong ‘lơ̆ng đơ̆ng dôm anih jang kơmăy kơmŏk ‘nao đơ̆ng Sơn Đông bơ̆ jang tôch đei yoa tơ̆ Việt Nam.

Pơma hơdăh Việt Nam hơnơ̆ng năng kăl păng tơgŭm ăn tơdrong atŏk tơiung tơdrong pơvei hăm Trung Quốc, Thủ tướng hơpơi ‘mĕh Sơn Đông kŭm hăm dôm tơring Việt Nam hơnơ̆ng hơtŏk tơdrong pơvei, roi tơbăt ăn băl trong jang tŏk, pơtho pơhrăm khul bơngai jang, mă loi ‘nŏh lơ̆m dôm tơdrong jang mă Sơn Đông đei lơ tơdrong pran. Ƀok athei Sơn Đông roi tơƀôh tơdrong kăl vă Pơjing Tơring tĕch mơdro hiôk hian păng tơgŭm pơjing trong hiôk hian găh tĕch mơdro vă tơgŭm ăn anih tĕch mơdro Việt gơ̆h truh hăm anih tĕch mơdro ‘lơ̆ng, hiôk hian ƀiơ̆.