Pơma tơ̆ jơ tơƀơ̆p, Thủ tướng Phạm Minh Chính lăng ‘lơ̆ng Hop akŏm Khŭl jang dôm bơngai jang khoa hŏk păng ki sư drŏ kăn tơring châu Á - Thái Bình Dương đei pơgơ̆r rim sơnăm pơlơh băl đơ̆ng dôm teh đak, sơkơ̆t hơdăh tơdrong bơngơ̆t truh đơ̆ng dôm teh đak păng tơring vă pơm đei 1 hop akŏm atŭm ăn kơ dôm bơngai jang khoa hŏk drŏ kăn hơgei.

Thủ tướng pơma hơdăh Khŭl drŏ kăn hơgei Việt Nam hlôi ƀrư̆ ƀrư̆ tơƀôh hơnăp jang tơm akŏm mĭnh jơhngơ̆m đon, hơtŏk jơhngơ̆m pơcheh hơgei đơ̆ng khŭl drŏ kăn hơgei, tơgop lơ̆m tơdrong hơtŏk tơiung mŭk drăm - tơpôl kơ Việt Nam kŭm nhen ăn tơdrong jang đơ̆ng Hop akŏm Khŭl jang dôm bơngai jang khoa hŏk păng ki sư drŏ kăn tơring châu Á - Thái Bình Dương.