Tơ̆ jơ pơma nuh, Thủ tướng lui păng hơpơi ‘mĕh, kiơ̆ đơ̆ng tơdrong pơvei ‘lơ̆ng hơiă đơ̆ng 2 tĕh đak, dôm tơdrong iok đei đơ̆ng jang hơdoi păng đon tơpăt, lui băl, Samsung gô hơnơ̆ng jing anih jang năm hơdrol tưk tơiung tơdrong jang hơdoi mŭk drăm đơ̆ng 2 tĕh đak hăm lơ tơdrong jang ‘nao gĭt kăl, hơnơ̆ng tưk tơiung dôm tơdrong tĕch mơdro păng pơih xă tơdrong tơmât jên jang, năm truh dôm tơdrong jang ‘nao tih hlŏh dơ̆ng lơ̆m sơnăm 2023 păng dôm sơnăm đơ̆ng rŏng.

Thủ tướng pơma hơdăh, Khul kơdră tĕh đak Việt Nam pơkăp vă hơnơ̆ng yak hơdoi, răp mơ̆ng, pơma nuh, tơtom hơmet pơ ‘lơ̆ng dôm tơdrong pơmat tat, tơhlăk tăk, đei lơ trong jang lăp ‘lơ̆ng, pơjing tơdrong hiôk hian ăn dôm anih tơmât jên jang đơ̆ng tĕh đak đe, lơ̆m nŏh đei Samsung tơmât jên jang xa đei yoa kơjăp ‘lơ̆ng păng jang tŏk pran tơ̆ Việt Nam kiơ̆ trong “tơdrong đei yoa hơdai, vang pŭ iŏk tơdrong krê tơpdăh đei”.