Thủ tướng ră hơdah, 6 khei blŭng sơnăm 2025, Việt Nam đei jơnei lơ kăp gĭt: jang mŭk drăm sơđơ̆ng, huach kư̆ kă đei tang găn, dôm tơdrong hơtŏ hơnơ̆ng sơnơm đei vei sơđơ̆ng, hre hrông păng tơdrong asong jang iŏk đơ̆ng jên mong kơ teh đak đei hơlen tơnăp, tơdrong hơrih kon pơlei đei hơtŏk. Việt Nam pơm kiơ̆ tơchơ̆t gah jên mong hơbĕch hơbal, tơguăt jang đei jơnei hăm tơchơ̆t jang jên hu, lăng tơgĭt jên akŏm jang lơ̆m teh đak, atŭm hăm noh iŏk yua tơdrong tơgŭm đơ̆ng 'nguaih.

Kơyuơ noh, tơdrong  jang lơ̆m apŭng plenh teh, lơ̆m noh đei IMF tơgŭm gah trong jang jing tơdrong tơgŭm ăn Việt Nam. Ƀok Kenji Okamura bơnê kơ tơchơ̆t jang đơ̆ng Việt Nam akhan, tơđrong hơtŏk tơ-iung dang ei gơnơm lơ̆m tĕch tơmam ăn teh đak đe păng FDI, mă lei hlôi đei lơ pơkăp jang 'nao, mă kăl noh dôm tơdrong jang dơnơm. IMF kơchăng tơgŭm, pơtrŭt Việt Nam tơrĕk truh hơtŏk jên jang, hơtŏk trăi phĭu, vei lăng hre mă trŏ ƀlep vă pơhơtŏ đơ̆ng hơtŏk păng sơđơ̆ng tơchơ̆t jang, atŭm hăm noh tơroh hăm jên tơgŭm đơ̆ng apŭng plenh teh ăn Việt Nam.