Tang măt ăn kơdră chĕp kơ̆l Đảng, Teh đak, Thủ tướng teh đak pơtruh nơ̆r ăn đe thây kô păng hŏk tro tơ̆ hnam trưng PTCS Nguyễn Đình Chiểu pơma adrô̆ păng đĭ đăng thây kô, kon mon hŏk tro lơ̆m teh đak pơma atŭm nơ̆r chơt hơiă, chă jet gia pơma nuh păng pơtruh nơ̆r thơ thou ‘lơ̆ng hlŏh. Hmach thơ thou ăn sơnăm hŏk 2024-2025 kơ đĭ đăng thây kô păng hŏk tro lơ̆m teh đak đei lơ tơdrong hơiă, iŏk đei lơ tơdrong ‘lơ̆ng hlŏh dơ̆ng kơ sơnăm hŏk adrol ki.

Thủ tướng hôn bơnê hơ hnam trưng, thây kô, đe mĕ ƀă mă loi jĭ đe kon mon hŏk tro tơ̆ Hnam trưng PTCS Nguyễn Đình Chiểu. Đe kon mon tơpă jĭ dôm bơngai gơ̆h hơgei, đei đon adrin yak hlŏh rim tơdrong pơmat tat, hơnat hơnot păng dôm tơdrong ưh kơ ‘lơ̆ng đơ̆ng hơkâu jăn vă gơ̆h iŏk đei lơ tơdrong jơ nei tôch hơiă, hơnơ̆ng pôk pơ ư hnam trưng iŏk hơnăn bơngai gơ̆h hơgei Nguyễn Đình Chiểu.