Tơ̆ jơ tơƀâp, Thủ tướng Phạm Minh Chính pơma hơdăh Việt Nam ling lang năng kăl păng hơpơi ‘mĕh pơm hơtŏk hlŏh dơ̆ng tơdrong pơvei jang hơdoi gĭt kăl hăm Indonesia. 2 ‘nu kơ dră chĕp kơ̆l drơ̆ng nơ̆r atŏk tơiung hlŏh dơ̆ng tơdrong pơvei kơjăp ‘lơ̆ng đơ̆ng sơ̆, pơjing jơhngâm pran tưk tơiung tơdrong jang hơdoi gĭt kăl Việt Nam - Indonesia tŏk ‘lơ̆ng hlŏh dơ̆ng; akhan tơdrong pơvei đơ̆ng 2 tĕh đak tôch gĭt kăl, ưh lăp hăm 2 tĕh đak mă oei tơgop ăn tơdrong rơngei, sơđơ̆ng păng jang tŏk lơ̆m tơring hai. 

Thủ tướng Phạm Minh Chính pơma hơdăh Việt Nam vă hơnơ̆ng jang hơdoi păng tơgŭm ăn Indonesia iŏk jang đang ‘lơ̆ng tơdrong jang pơm Kơdră ASEAN 2023, tơgop pơm hơtŏk tơdrong tơguăt ƀơ̆r đon, drơ̆ng pôm nơ̆r, jơhngâm đon adrin jang tŏk đơ̆ng kơ dih păng tơdrong jang tơm đơ̆ng ASEAN.