Pơma tơ̆ âu, tang măt ăn Khul kơdră teh đak, Thủ tướng Phạm Minh Chính chih răk, pôk pơ ư păng hơiă hăm dôm tơdrong jơnei gĭt kăl mă Đảng ƀô̆, khul kơdră pơgơ̆r, khul linh păng kon pơlei Bình Dương iŏk đei lơ̆m khei ‘năr âu ki.

Hơpơi ‘mĕh păng lui, anih dơ̆ng păng hơnăp jang đơ̆ng dêh char Bình Dương roi đunh roi tŏk lơ̆m trong jang tŏk atŭm kơ teh đak, kŭm nhen lơ̆m tơdrong hơnhăk Việt Nam yak mât lơ̆m chăl ‘nao, chăl jang tŏk đơ̆ng hơdrĕch hơdrung, hăm lơ anih gơnang tôch kơjăp; bơ̆n athei vang tưk tơiung: ‘Nŏh jĭ tơdrong mât 1 ƀơ̆r đon lơ̆m kon pơlei, lơ̆m đảng ƀô̆; ‘Nŏh jĭ tơdrong juăt joh ayŏ kơ dŏ xoang kơtang nuih mơng lơ̆m jơhnơr arih; ‘Nŏh jĭ anih gơnang yoa đơ̆ng jơhngâm dodn kon pơlei păng tơdrong tơgŭm đơ̆ng đĭ đăng kon pơlei. Thủ tướng lui, tơdrong tơproh trong jang âu gô hơnhăk ăn Bình Dương tơdrong ‘lơ̆ng vă jang tŏk pran hlŏh dơ̆ng.