Pơma tơ̆ jơ pơm lêh, Thủ tướng pơma hơdăh, Đảng, Teh đak bơ̆n ling lang tơrek truh khoa hŏk kơmăy kơmŏk păng tơplih ‘nao rơgei, năng ‘nâu jĭ 1 lơ̆m dôm tơdrong kăl hlŏh ăn tơdrong jang tŏk hrĕnh păng kơjăp. Thủ tướng pơma hơdăh, tơplih ‘nao rơgei tôch gĭt kăl lơ̆m rim tơdrong jang, anih jang mŭk drăm, lơ̆m tơdrong arih xa tơpôl.

Găh dôm tơdrong jang, trong vă jang atŭm Thủ tướng pơma hơdăh, athei hơmet pơ ‘lơ̆ng trong chĕp kơ̆l pơgơ̆r, tơdrong tơgŭm pơlung anih tĕch mơdro tơmât jên ăn tơdrong jang khoa hŏk, kơmăy kơmŏk, tơplih ‘nao rơgei, pơm ‘lơ̆ng hơnơ̆ng vă gơ̆h iŏk yoa jên hu, tơmam drăm păng anih jang kăl pơ ‘nhŏ ăn tơdrong jang tŏk. Hơtŏk tơdrong tơmât jên man anih jang, pơm trong, mă loi hăm dôm trong gre gĭt kăl, anih jang unh hơyuh, anih jang kơmăy roi tơbăt; tưk tơiung khul bơngai jang rơgei.