Tơdrong tơm đơ̆ng Hop akŏm ‘măng âu ‘noh pơma dơnuh găh dôm tơdrong long nol, mơmat tat păng pŭ trăp tơlĕch ăn kơ drŏ kăn mưh iŏk jang dôm tơdrong jang vei lăng ưh kơ đei kla jên khei păng năm hơdai hăm ‘noh jĭ dôm tơdrong đei ƀơm lơ trong hăm hơnăp jang păng tơgop đơ̆ng drŏ kăn nhen ưh kơ hơtŏ băl đơ̆ng drŏ nglo hăm drŏ kăn, ưh kơ gan đei băt tơdrong hiôk pơtho pơhrăm, tơdrong jang, teh dong băl kiơ̆ lơ̆m drŏ nglo hăm drŏ kăn.

Pơma tơ̆ Hop akŏm, Thủ tướng Phạm Minh Chính pơma hơdăh dôm tơdrong tơgop tih tên đơ̆ng bơngai drŏ kăn, jing bơngai jang tơgŭm kơjăp hơtŏk ‘lơ̆ng tơdrong arih sa đơ̆ng rim ŭnh hnam hai, jing dôm bơngai jang hơdrol lơ̆m tơdrong pơtrŭt tơdrong hơtŏk tơiung kơjăp đơ̆ng tơpôl hai. Thủ tướng kŭm tơroi hăm Hop akŏm pơtôch jang kiơ̆ dôm tơdrong tơm teh đak găh hơtŏ hơnơ̆ng đơ̆ng drŏ nglo hăm drŏ kăn sơnăm 2023 kơ Việt Nam.