Hop akŏm pơma nuh, tơgop nơ̆r găh 3 kơ luơ̆t đei: Luơ̆t vei lăng păng tơmât jên jang kơ teh đak tơ̆ anih tĕch mơdro; Luơ̆t Thuê̆ iŏk yoa đơ̆ng anih tĕch mơdro (oei hơmet ming); Luơ̆t Thuê̆ răt yoa gĭt kăl (oei chih hơmet ming).

Kŭm hăm tơgop nơ̆r ăn rim kơ luơ̆t, Thủ tướng Phạm Minh Chính pơma hơdăh 1,2 nơ̆r athei mưh chih pơjing, hơmet ming dôm khôi luơ̆t. ‘Nŏh jĭ athei kơchăng klăih song hơnăp jang mă rơđăh ‘lơ̆ng, năm hơdoi hăm pơtruh khul jang, hơtŏk tơdrong gơ̆h jang kiơ̆, chih hơdăh hơnăp jang hăm rim bơngai đei pơjao, chih tơlĕch trong dăr lăng, hơlen năng, hơtŏk tơdrong vei lăng tơdrong chĕp kơ̆l pơgơ̆r.