Tơ̆ ‘măng hop akŏm, rim kơdră tang măt sơkơ̆t hơdăh, tơdrong pơjing mĭnh hơnih tơm jang jên hu tơring păng apŭng plĕnh teh tơ̆ Việt Nam gô pơjing mĭnh hơyak ‘nao găh tơdrong ‘lơ̆ng, hơvơn dơ̆ng kon jên hu, pơtrŭh kơtang tơdrong jang tơplih hơmet mŭk drăm, ba Việt Nam vang iung jang lơ̆m tơdrong jang mŭk drăm plei teh. Mă lei, ‘nou jei jing tơdrong hle, mơmat tat păng kăl đei vang iung jang kơtang đơ̆ng rim Hơnih tơm, hơnih bơ̆ jang, tơring đei ƀơm truh. Pơma pơtôch tơ̆ jơ bơ̆ jang, Thủ tướng Phạm Minh Chính hlôi tơbăt hơdăh tơdrong kăl kơ tơdrong tơ iung pơjing Tơdrong jang ou. Tơdrong tơ iung pơjing Tơdrong vă jang ou tơlĕch jang kiơ̆ hloi trong bơ̆ jang đơ̆ng Đảng, kơ yuơ lơ loh kăl iung jang ‘lơ̆ng, jơnei, gơnang lơ̆m tơdrong đei kơ dih kơ teh đak, jang răh pơih să răh, ưh kơ hăt hot. Kăl rơih rim trong jang kăl ‘lơ̆ng hơ iă hloh pơ đĭ 3 trong jang tơm muk drăm apŭng plĕnh teh, trŏ lăp hăm tơdrong joăt apŭng plĕnh teh păng tơdrong đei kơ Việt Nam tơlĕch trong jang mă hơdăh ‘lơ̆ng.