Thủ tướng pơma hơdăh, bơ̆ jang tơ iung pơjing, pơm pơkeh tơdrong pơkăp ‘nŏh tơdrong jang hơnơ̆ng păng đunh đai, kăl akŏm chĕp pơgơ̆r pơrô̆ jang, atŏk kơtang tơbrar, jang kơjăp; lăng kơ jăp hlŏh dơ̆ng găh kon jên jang, bơngai jang.

Tơ̆ hop akŏm au, rim Kơdră chĕp pơgơ̆r Teh đak pơma dơnuh păng tơgop nơ̆r hăm 5 tơdrong đei 2 tơdrong vă pơjing Khôi luơ̆t, 1 nơ̆r athei tơ iung pơjing khôi luơ̆t, 2 trong vă pơjing Tơdrong tơchơ̆t đei: Trong pơjing Tơdrong tơchơ̆t đơ̆ng Kuô̆k hô̆i găh jang pơlong năng mĭnh ƀar trong jang hơmet pơ ‘lơ̆ng tơnap tap, tơhlăk tơhlĭn lơ̆m tơmơ̆t jên jang ming man trong nơnăm; Mĭnh ƀar trong bơ̆ jang ‘nao lơ̆m bơ̆ jang vei lăng mơ̆t lĕch hăm teh đak đe, tơdrong oei sa kơ bơngai teh đak đe tơ̆ Việt Nam vă chih tơmơt lơ̆m Tơdrong tơchơ̆t atŭm kơ Kuô̆k hô̆i tơ̆ ‘Măng hop akŏm mă 5; Trong vă pơjing kăn kươk kon pơlei (hơmet ming); Trong vă pơjing Khôi luơ̆t Rim hơnih mong jên ăn tŏk iŏk (hơmet ming); Athei tơ iung pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t mơ̆t, lĕch kơ kon pơlei Việt Nam.