Vă bơ̆jang kiơ̆ đei yua hơnăp jang sơnăm hŏk 2024 - 2025 hăm tơdrong kăl: "Iŏk hŏk tro, sinh viên pơm tơm, Thây kô pơtho ‘noh tưk tơiung jơhngơ̆m, Hnam trưng pơm hơnih sơng iŏk, Ŭnh hnam ‘noh hơnih gơnang, Tơpôl ‘noh hơnih lăng kơjăp”, Thủ tướng teh đak athei Anih tơm vei lăng găh Pơtho pơhrăm akŏm dăr hơlen, hơmet ming, tơmơ̆t dơ̆ng, chih pơkeh trong jang tơgŭm pơtruh ăn rim kơdră gơh kĭ tơlĕch ăn păng tơlĕch ăn kiơ̆ tơdrong gơh kĭ tơchơ̆t vă pơm tơdrong hiôk trŏ luơ̆t ăn tơdrong hơtŏk ‘lơ̆ng hloh dơ̆ng pơtho pơhrăm, mă loi ‘noh jĭ thây kô pơtho ‘lơ̆ng tơ̆ đĭ đăng rim hơnih pơtho pơhrăm, pơđĭ hloi hnam trưng teh đak păng hnam trưng kon pơlei pơih kơdih.

Hơtŏk loi dơ̆ng tơlĕch jang đei yua, pran kơtang hloh dơ̆ng tơplih kơsô̆ lơ̆m tơdrong jang vei lăng teh đak găh pơtho pơhrăm lơ̆m tơring; athei, dăr hơlen, hơlen lăng dôm tơdrong vei lăng teh đak găh pơtho pơhrăm lơ̆m tơdrong gơh jang, hơnăp jang, vei sơđơ̆ng ‘meh vă, đei yua, jơnei.