Thủ tướng teh đak bơ̆n chơt hơ-iă hăm tơdrong hơtŏk tơ-iung pran, tôm tơdrong păng tơpă tơdrong tơbôl Việt Nam - Australia; ră hơdah tơdrong hơtŏk tơbôl jang hadoi tôm tơdrong jing tơdrong đei jơnei đơ̆ng hơdrin kơ 2 pah lơ̆m hloh 50 sơnăm hơtŏk jang tơbôl, Thủ tướng teh đak bơ̆n Phạm Minh Chính bơnê kơ teh đak Australia tŏk bŏk oei tơlĕch lơ tơdrong jang hadoi kăp gĭt, đei jơnei, tơgŭm ăn Việt Nam lơ̆m lơ tơdrong jang vei sơđơ̆ng tơpôl, pơtho bơngai jang, khua hŏk kŏng ngê̆, tơplih ‘nao gơh hơgei păng tŏ ‘mi kial tơplih; pơkăl 2 pah hăt hot jang hadoi hơdah dôm tơchơ̆t pơdrơ̆ng hlôi đei jơnei, pơtoi hơtŏk tơdrong jang hadoi tơgăl hăm Tơchơ̆t jang hadoi tôm tơdrong.

Ƀar kơdră kơpal drơ̆ng nơ̆r pơtoi pơma đam, tơroi tơbăt, hơtŏk hlôh vao păng lui ngeh dih băl; kơhret kơjăp hloh tơdrong jang hadoi vei sơđơ̆ng tơpôl; hơtŏk jang hadoi gah mŭk drăm đei jơnei tơnăp hloh.