Pơ gê ‘năr 16/3, Thủ tướng Teh đak Phạm Minh Chính bơ̆jang hăm kơdră chĕp kơ̆l dêh char Hải Dương vă hơlen lăng pơtôch bơ̆jang kiơ̆ hơnăp jang hơtŏk tơiung mŭk drăm tơpôl, pơjing tơdrong jang chĭnh trĭ sơnăm 2022 păng trong vă jang hơtŏk tơiung jăl jang pơtăl dơ̆ng; hơdai hăm hơmet pơ ‘lơ̆ng 1,2 nơ̆r apĭnh vă pơm tơdrong hiôk ăn Hải Dương hơtŏk tơiung hrĕnh, kơjăp. Pơma pơ tôch ‘măng hop akŏm, Thủ tướng Phạm Minh Chính hlôi tơblang hơdăh găh tơdrong pran, tơdrong ‘lơ̆ng pơ jei băl păng dôm tơdrong oei đei tam mă ‘lơ̆ng.

Tơ̆ hơnăp kơnh, Thủ tướng athei, Dêh char kăl kơ jang vei kơjăp, tơlĕch jang kiơ̆ đei yua tơdrong Tơchơ̆t hop akŏm XIII kơ Đảng, dôm tơdrong tơchơ̆t đơ̆ng Trung ương păng tơdrong Tơchơ̆t Hop akŏm Đảng bộ dêh char, bơ̆jang kiơ̆ ƀlep trong jang đơ̆ng Đảng, tơdrong jang tơgŭm khôi luơ̆t đơ̆ng Teh đak păng tơdrong chĕp kơ̆l pơ gơ̆r đơ̆ng Khŭl kơdră teh đak, Thủ tướng Teh đak. Thủ tướng athei, dêh char Hải Dương jang hơdai hăm Anih tơm vei lăng găh Joh ayŏ - Tơplŏng kơ dâu păng Tơmang lăng, dêh char Quảng Ninh păng dôm tơring ƀơm truh chih pơkeh hla ar pơih să chĕng hơmet teh anih gru groa "Yên Tử - Vĩnh Nghiêm - Côn Sơn, Kiếp Bạc”. Hơdai hăm hơvơn lơ jên jang, mă loi ‘noh jĭ jang hơdai đơ̆ng teh đak, kơdih lơ̆m tơmơ̆t jên jang pơm hơmet ming, hơtŏk kơ jă kăp gĭt joh ayŏ, tơmang lăng anih gru groa âu.