Tơ̆ jơ bơ̆ jang, Thủ tướng teh đak Phạm Minh Chính hlôi mơ̆ng Kơdră chĕp pơgơ̆r Hnam trương Đại học Quốc gia Hà Nội tơroi tơbăt găh tơdrong bơ̆ jang pơma atŭm, lơ̆m au đei bơ̆ jang pơtho pơjing khul bơ̆ jang gơ̆h hơgei adoi nhen tơdrong pơtho pơhrăm păng chă tơchĕng hơlen khoa hŏk lơ̆m tơdrong vi mạch tích hợp bán dẫn kơ Hnam trương Đại học Quốc gia Hà Nội.

Hăm hơnăp jang ‘nŏh Hơnih tơm pơtho pơhrăm, chă tơchĕng khoa hŏk tơm hloh, Hnam trương Đại học Quốc gia Hà Nội hlôi pơjing păng tơlĕch jang kiơ̆ Trong jang Khoa hŏk kmăi kmŏk păng tơplih ‘nao tơchăr kơ Đại học quốc gia Hà Nội jăl jang 2021-2030 vă pơchoh trong atŏk tơ iung khoa hŏk kmăi kmŏk lơ̆m khei năr kơnh ‘lơ̆ng hơ iă hloh dơ̆ng, adoi jing hơyak pran vă atŏk tơ iung Hnam trương Đại học Quốc gia Hà Nội đei jing hnam trương đại học gơ̆h hơgei, tơplih ‘nao tơchăr.