Khei 4 păng 4 khei blŭng sơnăm, Khul kơdră teh đak, rim hơnih tơm, hơnih bơ̆ jang, tơring tơrang hlôi sơkơ̆t hơdăh dôm trong jang tơm; chĕp pơgơ̆r păng pơrô̆ jang kơtang rim tơdrong jang hlôi đei tơlĕch ăn.

Lơ̆m ‘Măng hop akŏm au, rim kơdră lơ̆m Khul kơdră Teh đak hlôi pơma dơnuh tơpăt akŏm lơ̆m tơdrong atŏk tơ iung mŭk drăm tơpôl khei 4 păng 4 khei blŭng sơnăm, trong vă jang, tơdrong jang lơ̆m khei 5 păng khei năr kơnh atum hăm mĭnh ƀar tơdrong jang kăl anai găh tơlĕch kon jên jang teh đak tơmơ̆t jang, Tơdrong jang hơmet pơ-‘lơ̆ng păng atŏk tơ iung mŭk drăm tơpôl, 03 Tơdrong jang tơm Teh đak. Iung pơma pơtôch hop akŏm, Thủ tướng Phạm Minh Chính athei, sơkơ̆t hơdăh trong jang pơm sơđơ̆ng atŏk tơ iung mŭk drăm, vei lăng kĕ tŏk jur, pơtrŭt kơtang atŏk mŭk drăm, sơđơ̆ng hơtŏ hơnơ̆ng rim trong jang mŭk drăm; lăng ba kơjăp truh tơdrong oei sa joh ayŏ, tơpôl; hơmet pơ ‘lơ̆ng vei lăng sơđơ̆ng dơ̆ng kơjăp teh đak; atŏk kơtang jang tơbôl, vang mơ̆t hơdoi lơ̆m apŭng plĕnh teh păng atŏk kơtang kơtơ̆ng ang, pơrô̆ pơrôp, pơjing đei lăp mĭnh nơ̆r kơ tơpôl. Akŏm tơgŭm djru păng pơtrŭt pơm tơlĕch tĕch mơdro, 3 trong jang tơm atŏk tơ iung kăl, 3 hơyak pran atŏk tơ iung, pơjing tơdrong jang păng erih sa kơ kon pơlei.