Iung pơma tơ̆ jơ tơƀơ̆p muh măt, Thủ tướng Phạm Minh Chính pơma hơdăh, ‘nou jĭ jơ ‘năr vă vang hôn bơnê, pôk pơ ư rim hơnih mơdro sa, bơngai jang mơdro sa hlôi tơgop gĭt kăl lơ̆m tơdrong jang kĕch mang kơ teh đak. Thủ tướng hơpơi ‘meh vă ‘măng tơƀơ̆p ou gô đei mơ̆ng lơ nơ̆r tơgop tơbăt jơhngơ̆m đon phăl hơlăng đơ̆ng rim bơngai tang măt vă khul kơdră Teh đak, Thủ tướng Teh đak đei dơ̆ng trong pơjing păng tơlĕch rim tơdrong tơchơ̆t ‘lơ̆ng hơ iă trong jang, pơjing rơvơn ‘lơ̆ng hơ iă hloh ăn rim hơnih mơdro sa Việt Nam atŏk tơ iung kơtang, khul bơ̆ jang mơdro sa Việt Nam atŏk tơ iung pran kơtang, tơgop lơ hlŏh dơ̆ng lơ̆m tơdrong jang tơ iung pơjing păng vei lăng teh đak Việt Nam xã hội chủ nghĩa. Hăm kiơ̆ trong vang iung jang, vang jơnei, vang đei iŏk yua sa hơpăh păng vang atŏk tơ iung; vang chơt hơ iă, hơnŭk hơnoa păng tơdrong hưch hanh hơmanh bơnê”.