Hop akŏm Mŭk drăm pơlei tơm Hồ Chí Minh sơnăm 2024 đơ̆ng năr 24  - 27/9 vă pơtrŭt atŏk kơtang Tơdrong jang tơplih kmăi kmŏk pơlei tơm Hồ Chí Minh. Lơ̆m hop akom tơ̆ pơgê năr 25/9, hop akom hlôi mơ̆ng đŏk tơbăt nơ̆r tơgop găh: Trong jang tơm tơplih kmăi kmŏk pơlei tơm Hồ Chí Minh lơ̆m khei ‘năr tơgoăt bro, tơring, apŭng plĕnh teh păng trong jang kmăi kmŏk ‘nao lơ̆m ou sơkơ̆t hơdăh khei ‘năr atŏk tơ iung păng tơplih jang kmăi kmŏk kơ pơlei tơm HCM. Tơ̆ kơsơ̆, pơgơ̆r ‘Măng pơma dơnuh trong bơ̆ jang teh đak ƀar păh Thủ tướng Teh đak, Kơdră chĕp pơgơ̆r Hơnih tơm, hơnih jang Trung ương, Kơdră chĕp pơgơ̆r Hơnih vei lăng kon pơlei kơ pơlei tơm, Kơdră chĕp pơgơ̆r dêh char, pơlei tơm Việt Nam hăm tơmoi hơvơn, rim grŭp jang tih lơ̆m teh đak păng teh đak đe. ‘măng pơma dơnuh ou akŏm lơ̆m trong jang mŭk drăm kơ Việt Nam lơ̆m chăl truh ou kơnh, mă kăl lơ̆m tơdrong jang tơplih jang kmăi kmŏk.