Tơ̆ jơ sơng, Thủ tướng Phạm Minh Chính hôn bơnê ‘măng năm ngôi tơ̆ Việt Nam mă blŭng đơ̆ng kơdră tơm jang tơbôl Alexander Schallenberg; lăng ‘lơ̆ng pơtôch pơma đam hăm Kơdră tơm jang tơbôl Bùi Thanh Sơn păng Hop akŏm jang hơdai Việt Nam – Áo hăm tơdrong vang akŏm đơ̆ng lơ anih mơdro sa 2 păh lơ̆m pơgê 17/4/2023; tơƀôh đon lui ngeh ‘măng năm ngôi gô tơgop hơnhăk tơdrong pơvei tơbôl păng jang hơdai ‘lơ̆ng hơiă Việt Nam-Áo roi ‘năr roi hơtŏk tơiung đei yua lơ̆m đĭ đăng rim tơdrong jang.

Thủ tướng Phạm Minh Chính pơma hơdăh, Việt Nam ling lang lăng kăl păng ‘meh vă hơtŏk loi dơ̆ng tơdrong pơvei jang hơdai hăm Cộng hòa Áo, mĭnh teh đak jang lơ̆m khŭl gĭt kăl kơ Jơnŭm Châu Âu (EU). Thủ tướng pơma hơdăh 2 păh kăl tơlĕch jang 1,2 trong jang pơtrŭt jang hơdai 2 pang lơ̆m rim tơdrong jang 2 păh đei tơdrong pởan păng ‘meh vă nhen khoa hŏk - kơmăy kơmŏk, anih jang kăl, bơngai jang, pơtho pơhrăm tơdrong jang, tơplih kơ sô̆, mŭk drăm, tơplih rơgoh...