Tổng Bí thư, Teh đak Tô Lâm pôk pơkao ăn kang ƀô̆ ‘nao đei pơjao tơdrong jang hle.

Tổng Bí thư, Kơdră chĕp pơgơ̆r Teh đak Tô Lâm pơm tơm pơm lêh. Vang năm đei rim Kơdră jang lơ̆m Hơnih tơm Chinh trĭ: Kơdră Ban Bí thư Lương Cường; Bí thư Trung ương Đảng, Kơdră Hơnih jang chĕp pơgơ̆r Trung ương Lê Minh Hưng; Bí thư Trung ương Đảng, Kơdră Hơnih jang Nội chính Trung ương Phan Đình Trạc atŭm hăm rim đe ƀok: Lê Hoài Trung, Bí thư Trung ương Đảng, Kơdră Hơnih jang Tơbôl Trung ương; Nguyễn Duy Ngọc, Bí thư Trung ương Đảng, Chánh Văn phòng Trung ương păng Kơdră chĕp pơgơ̆r rim Hơnih jang, hơnih tơm, hơnih jang Trung ương. Tơ̆ jơ pơm lêh, Tổng Bí thư, Kơdră chĕp pơgơ̆r Teh đak Tô Lâm hlôi pơjao Hla bơar tơchơ̆t pơjao jang ăn kơ ƀok Trần Lưu Quang, Kơdră jang lơ̆m Trung ương Đảng, Kơ iĕng Thủ tướng Teh đak iŏk jang Kơdră Hơnih bơ̆ jang Mŭk drăm Trung ương; pơjao jang, pôk tơmơ̆t ƀok Mai Văn Chính, Kơdră jang lơ̆m Trung ương Đảng, Kơ iĕng Kơdră Hơnih bơ̆ jang Chĕp pơgơ̆r Trung ương iŏk jang Kơdră Hơnih jang Pơrô̆ pơrôp Trung ương.