Lơ̆m năr jang mir kon pơlei ƀôh lŏk pơsat ƀô̆ đô̆i lôch dŏng teh đak tơ̆ pơlei Năng Lớn 2, tơring Dak Sao, apung Tu Mrông kơna tơroi tơbăt ăn kơdră tơring. Hloh đơ̆ng chă  hơlen tôm tơdrong kơna đei băt hơdăh hơnăn, pơlei pơla kơ Ƀô̆ đô̆i lôch dŏng teh đak ‘noh Đào Văn Phương, pơlei tơring Kiến Ninh, apŭng Tiên Lãng, pơlei tơm Hải Phòng. Lơ̆m jơ sir kôch lŏk, kang ƀô̆, ƀô̆ đô̆i tơchă ƀôh kơting atŭm hăm tơmam drăm ‘noh ao ‘mi pôn hơtou ƀô̆ đô̆i lôch dong teh đak, 10 tŏ ƀlak ao păng 1 tŏ tơkhiĕn. Khei năr ou ki, apŭng Tu Mrông, dêh char Kon Tum hlôi kôch akŏm đei 18 kơ̆l ƀô̆ đô̆i lôch dŏng teh đak lôch răm lơ̆m sơnăm tơblăh vang sơ̆ chơ pơdong groong ƀŭ tơ̆ Pơsat Teh đak kơ apŭng.