Pơgê năr 7/4, tơ̆ Hơnih bơ̆ jang Trung ương Đảng, Tổng Bí thư Nguyễn Phú Trọng pơm tơm hop akŏm kơ Hơnih tơm Chinh trĭ, Ban Bí thư ăn tơgop nơ̆r găh Tơdrong vă jang “Pơtôch 15 sơnăm jang kiơ̆ Tơdrong tơchơ̆t 27 kơ Khul kơdră chĕp pơgơ̆r Trung ương Đảng jăl 10 găh tơ iung pơjing khul hŏk jrŭ lơ̆m chăl atŏk kơtang jang hăm Kmăi kmŏk gơ̆h hơgei kơ Teh đak”; mơ̆ng Hơnih bơ̆jang Dăr lăng Trung ương tơbăt, rim khul bơ̆ jang dăr lăng kơ Hơnih tơm Chinh trĭ, Ban Bí thư sơnăm 2022 păng tơlĕch Tơdrong jang dăr lăng kơ Hơnih tơm Chinh trĭ, Ban Bí thư sơnăm 2023.

Hơnih tơm Chinh trĭ pơma hơdăh: hơnăp jang kơ Đảng, teh đak, kơ khul jang chinh trĭ păng pơđĭ tơpôl ‘nŏh kăl tơ iung pơjing khul hŏk jrŭ pran kơtang pơđĭ măt bơngai lơ, bơ jang hơgei, đei pơjao ăn trŏ lăp tơklep hăm atŏk hơnăp jang păng kĕ jang đơ̆ng khul hŏk jrŭ lơ̆m jang kiơ̆ rim trong tơlĕch jang, tơdrong jang atŏk tơ iung mŭk drăm-tơpôl. Đei ƀơm truh Tơdrong jang dăr lăng Hơnih tơm Chinh trĭ, Ban Bí thư sơnăm 2023, Hơnih tơm chinh trĭ, Ban Bí thư hlôi tơchơ̆t pơjing 5 khul dăr lăng Dơnŏ anih tơm Chinh trĭ, 5 khul dăr lăng Ban Bí thư vă dăr lăng 30 hơnih bơ̆ jang Đảng găh lơ̆m Trung ương.