Tơ̆ pơma đam, Ƀok Kơdră tơm Ireland sơkơ̆t hơdăh lăng kơjăp hơnih dơ̆ng păng hơnăp jang kơ Việt Nam tơ̆ tơring châu Á-Thái Bình Dương; pơma hơdăh ƀar teh đak đei lơ tơdrong lei lăi dih băl lơ̆m iung tơlăh iŏk đei pơm tơm kơdih kơ hơdrĕch hơdrung păng ưh kơ đei tơdrong yă kiơ mă ƀar păh ưh kơ kĕ vă chă pơma dơnuh, jang hơdoi dih băl. Lơ̆m pơma đam, ƀar păh hlôi pơma dơnuh kơtang găh rim tơdrong sơđơ̆ng tơring mă ƀar păh lăng kơjăp nhen tơdrong Ukraine, Trung Đông, krao hơbơn rim pang vei lăng năng tông kon pơlei, pơgơ̆r pơma dơnuh, xek tơlang tơblăh vang hăm trong rơngei hiôk hian ‘moi kiơ̆ khôi luơ̆t apŭng plĕnh teh păng rim tơdrong pơkăp kơ Tơdrong Tơchơ̆t Liên hợp quốc; mă kăl atŏk kơtang jang hơdoi tơ̆ rim ‘măng hop akom lơ pang nhen ASEAN-EU, Liên hợp quốc lơ̆m lơ tơdrong jang.
Viết bình luận