Tổng Bí thư, Kơdră chĕp pơgơ̆r Teh đak Tô Lâm bơnê kơ rim kơdră, bôl boăl hlôi ‘măn jơ ‘năr vang năm tơƀơ̆p, tơbăt jơhngơ̆m đon lui yom, hôn bơnê kơtang tơ̆ hơnăp tơdrong tơgum djru, tơgoăt tơgoăl đơ̆ng khul kŏng san, bôl boăl, kon pơlei teh đak Mi hăm Đảng, Teh đak păng kon pơlei Việt Nam lơ̆m rim jăl. Tổng Bí thư, Kơdră chĕp pơgơ̆r Teh đak Tô Lâm hlôi tơroi tơbăt găh dôm tơdrong iŏk đei kơ Việt Nam lơ̆m vă jê̆ 40 sơnăm tơplih ‘nao, dôm tơdrong iŏk đei lơ̆m tơlĕch jang kiơ̆ rim trong tơlĕch jang tơm kơ Pơm lêh Hop akŏm mă XIII; tơroi tơbăt găh Pơm lêh hop akŏm XIV kơ Đảng Cộng sản Việt Nam lơ̆m blŭng sơnăm 2026 gô jing hơyak kăl hloh, tơbăt hơdăh chăl sơnăm atŏk tơ iung kơ hơdrĕch hơdrung Việt Nam lơ̆m trong yak truh chủ nghĩa xã hội. Jơ ‘năr ou, Tổng Bí thư, Kơdră chĕp pơgơ̆r Teh đak Tô Lâm hmach chơt hơ iă păng pôk ăn Mê đai tơgoăt tơgoăl ăn rim bơngai hlôi tơgop kơtang, tơgop pơm hơtŏk tơgoăt tơgoăl ƀar păh kon pơlei ƀar teh đak.