Pơma tơ̆ hop akŏm, Tổng Bí thư, Kơdră teh đak bơ̆n ƀok Tô Lâm tơchĕng ‘lơ̆ng dôm tơdrong adrin đơ̆ng dôm bơngai jang lơ̆m Anih pơgơ̆r mưh chih Hla ar pơtôch tơdrong jang. Atŭm hăm ‘nŏh, athei hơnơ̆ng tơchĕng hơlen, pơm hơdăh dơ̆ng 1,2 tơdrong nhen: Hơlen năng yoa kiơ oei đei tơdrong tam ‘lơ̆ng.

Tổng Bí thư, Kơdră teh đak pơma hơdăh, tơdrong Pơtôch 1,2 tơdrong chih tơblang păng bơ̆ jang tơ̆ yăn âu găh tơdrong jang tơplih ‘nao kiơ̆ trong XHCN lơ̆m 40 sơnăm âu ki tơ̆ Việt Nam jĭ 1 tơdrong jang tôch gĭt kăl hăm tơdrong tơplih ‘nao, pơjing păng jang tŏk teh đak. Kơlih yoa thoi noh đơ̆ng rŏng kơ hop akŏm, athei hơnơ̆ng chih hơmet ming Hla ar vă tơroi ăn Anih tơm Chinh trĭ tơgop nơ̆r păng đơ̆ng rŏng kơ ‘nŏh chih pơkĕh dơ̆ng 1 ‘măng vă roi tơbăt lơ̆m Hop akŏm Trung ương 10 truh âu kơnh.