‘Măng năm hơpong tơ̆ teh đak đe mă blŭng hăm kơchư̆k jang ‘nao đơ̆ng Tổng Bí thư, Kơdră teh đak Tô Lâm iŏk đei jơnei ‘lơ̆ng hơiă găh rim tơdrong, vang tơgop gĭt kăl ăn tơdrong Pơjing Tơpôl tơgŭm băl ning mônh kơnh kơ Việt Nam - Trung Quốc tôch kăp gĭt ăn trong jang đunh đai, tơgop ‘lơ̆ng ăn tơdrong rơngei, hiôk sơđơ̆ng păng jang tŏk tơ̆ tơring păng lơ̆m apŭng plenh teh.

Lơ̆m hlŏh 2 năr bơ̆ jang, Tổng Bí thư, Kơdră teh đak bơ̆n, ƀok Tô Lâm bơ̆ jang tôch ‘lơ̆ng hơiă, đei yoa hăm 18 tơdrong jang. Lơ̆m ‘măng năm hơpong, 2 păh hlôi tơlĕch tơdrong tơchơ̆t atŭm găh hơtŏk hlŏh dơ̆ng tơdrong pơvei jang hơdoi gĭt kăl, tôm tơdrong, akŏm jơhngâm pơjing tơpôl tơgŭm băl ning mônh kơnh kơ Việt Nam - Trung Quốc. Dôm anih tơm, anih jang kơpal păng tơring tơrang kơ 2 teh đak kĭ pơkăp lơ hla ar jang hơdoi lơ̆m tơdrong hơlen năng tơmam, hơlen năng pơrang jĭ, vei lăng iŏk thuê̆ tơmam tĕch tơ̆ băl, jang pơgang, roi tơbăt, jang hơdoi đơ̆ng tơring păng kon pơlei.