Pơma hăm khul tang măt, Tổng Bí thư, Kơdră teh đak Tô Lâm akhan, kon pơlei Việt Nam ling lang hiôk chơt, hưch hanh yoa đei Ƀok Hô, kơdră chĕp kơ̆l tôch rơgei – Bơngai tơblăh iŏk rơngei ăn hơdrĕch hơdrung, Bơngai chih pơchĕh tôch gơh, đei ư hơnhang lơ̆m apŭng plenh teh. Mă loi, dôm bơngai đei măt lơ̆m jơ tơƀâp oei đei tơdrong čhô̆ ‘nă, jĭ dôm bơngai oei hơdai hăm Ƀok Hô hơnơ̆ng, đĭ jơhngâm vei lăng jơhngâm pran ăn Ƀok.

Tơƀôh đon hơiă mưh đei mơ̆ng nơ̆r tơroi dơ̆ng dôm tơdrong tôch hơiă găh tơdrong arih xa kơ Ƀok; Tổng Bí thư, Kơdră teh đak Tô Lâm pơma hơdăh, chĕp vei tơdrong juăt "Nhă đak ƀlŏk kơtu",  Đảng, Teh đak bơ̆n ling lang năng kăl, băt bơnê tơdrong plang pơyơ̆r đơ̆ng đe mih ma, duch nă, dôm bơngai hlôi pơvei, vei lăng Ƀok Hô ƀât oei arih sơ̆ păng vei lăng ‘lơ̆ng dôm tơmam kăp gĭt đơ̆ng Ƀok tơ̆ Anih jang kơ ƀok Kơdră teh đak.