Pơma tơ̆ jơ pơm lêh, Tổng Bí thư, Kơdră teh đak Tô Lâm athei Hnam trưng hlôh vao kơjăp, bơ̆ jang đei yoa ‘lơ̆ng dôm trong jang, đon tơchĕng đơ̆ng Đảng găh tơplih ‘nao tôm tơdrong mưh pơtho pơhrăm hơdai hăm vei lăng teh đak lơ̆m chăl ‘nao, vang tơgop pơm hơtŏk tơdrong ‘lơ̆ng ăn khul kăn ƀô̆ kơ Đảng, Teh đak, khul linh tơblăh lơ̆m chăl hle.

Lơ̆m noh, Hnam trưng athei tơƀôh hơdăh jĭ anih năm hơdrol mưh bơ̆ jang dôm tơdrong tơchơ̆t, nơ̆r pơtho đơ̆ng Đảng găh tơplih ‘nao pơtho pơhrăm păng khul linh, vei lăng sơđơ̆ng teh đak. Atŭm hăm ‘nŏh hơnơ̆ng tơplih ‘nao tơdrong pơtho, pơtâp pơhrăm, vei lăng hnam trưng kiơ̆ trong khoa hŏk, gơ̆h hơgei hăm đon pơhnŏng “Tơdrong ‘lơ̆ng đơ̆ng pơtho pơhrăm jĭ đon kơchăng tơblăh đơ̆ng hnam trưng".