Pơma pơtôch jơ bơ̆ jang, Tổng Bí thư, Kơdră teh đak Tô Lâm bơnê dôm tơdrong jang đei tôch hơiă đơ̆ng Anih jang tơbôl iŏk đơ̆ng blŭng jăl jang mă 13 kơ Đảng truh dang ei.

Pơma hơdăh hăm anih dơ̆ng, jơhngâm pran đơ̆ng rŏng 40 sơnăm tơplih ‘nao teh đak, tơ̆ hơnăp kơnh Tổng Bí thư, Kơdră  teh đak Tô Lâm athei, đĭ đăng Anih jang tơbôl kơchăng tơtom chă ƀôh tơdrong ‘lơ̆ng, tơdrong nol, hơtŏk tơdrong vang tơgop mă đei yoa đơ̆ng anih jang tơbôl vă bơ̆ jang đei jơnei ‘lơ̆ng dôm tơdrong jang tơm lơ̆m 100 sơnăm chĕp kơ̆l pơgơ̆r đơ̆ng Đảng, 100 sơnăm pơjing teh đak Việt Nam dân chủ cộng hoà dang ei ‘nŏh jĭ teh đak Cộng hoà XNCN Việt Nam; hơnơ̆ng pơm hơtŏk tơdrong tơgop đơ̆ng Việt Nam ăn tơdrong jang kăch mang lơ̆m apŭng plenh teh yoa tơdrong rơngei, jang tŏk hơdai păng gơh hơgei kơ kon bơngai.